San Geseppe

Ce 'llonghene 'i jernate; Premmavere già vé, che tanda sciure nate che so bell' a vedé, a dda' 'llegrezze e ggioje a tutte quand 'i ggende, c'u verde e lustre soje, pur' a chi ne tté nejende. San Geseppe ce sende nell'areje; té 'u penzejere de farce sta quendende. Pare 'nu sciardenejere che va 'ccojje nell'orte fafe e cice e pu' tande de chilli cose porte; e llà 'u sejende ca cande. Fra poche è Premmavere e ce rennov 'u monne l'arej' è orma' fresche e vere ca tutte fore vonne jî a 'ccojje jerve e sciure pe' revestì a vetare, candanne: «Ddî ce cure da 'i male e ce té care». Mettét 'i 'ngoppe, 'i sciure, 'ndo' 'lli cannele stanne, che luce dann' a 'u mure e 'u Sande 'llemenanne. Pertate p'u d'i gijje d'i rose e tutti 'i cose che servene p'u fijje p'a madonn' e p'u spose. E pu' rendeme grazeje a tutt 'a sacra famijje; pregame ca pu' strazeje da nu ne trove appijje. E Sette sonn 'i stelle che 'ngiele sopa stanne ca brillene chiù belle 'a vite rennevanne. E sette so' 'i peccate ca 'u dejavele ce tende e nu t'ame pregate a ch' isse n' ge fa' nejende. 'Ndande pare ce sende 'u suone d'i cambane... C'u bammenelle a mmende, San Geseppe... E lundane sendeme chiare 'i vuce, come se fusse jere, vedeme chilli cruce, 'i femmene, de nere vestute, e te requorde quande javame uajjune, e orma' cchiù 'n d'u squorde, pe' porte jenne e pertune. L'areje sémbre cchiù serene, è sciute pure 'u tembe, e quiste è tutt 'u bene: «Gessummari!». - «Gessembe!»